Xé Redondas e o seu compañeiro xa teñen os arredor de 110 kilos de faba.
-¿Van repartirse os pratos?
-Entre os dous realizaremos as distintas recetas da degustación. O sábado unhas fabas con bacallau e grelos e mais unhas fabas con callos, é unha antiga receta que había no pobo e quixemos seguir a tradición. E o domingo seguiremos coas fabas con callos e imos poñer unhas con setas.
-Cal é o segredo das fabas
-Nun val coma o noso, no que os veciños producen unhas fabas moi boas, con moita carne e unha pel delgadiña que da gusto comela. Aí está o segredo, na nosa materia prima, que é a fundamental para facer a festa.
-¿E para cocela?
-Hai que facela con moito cariño; como é moi boa é moi delicada; hai que coidala como se fora unha muller (...). Hai que estar pendente dela. Faremos o seu fondo para que coza todo moi lentamente, é o importante, para que saia saborosa.
-¿A receta da faba con callos?
-Collemos estómago de ternera e pezuño, escaldámolos e témolos en adubo dous días. Póñense a cocer os callos lentamente para que queden blandiños. Aparte cocemos as fabas nun fondo de carne para que vaia chupando esa auguiña. E mezclar todo, probar de sal, especies e a comer.
-¿Facer 1.200 racións non é doado?
-O concello vainos deixar o colexio onde hai cociña grande para poder traballalas. Pola mañá madrugaremos e cando estean feita ou a medio facer levarémolas ó Cantón e aí haberá uns fogóns para mantelas quentes.