Como organizar un notidrama no colexio?

1. PREPARACIÓN

A preparación leva consigo, polo menos, estes catro pasos:

• Elección do tema. É preciso ter en conta estas catro características que sempre deben darse na elección dinámica do tema:
  • Importante. Non imos perder o tempo nun tema ou noticia cuxa solución non nos leva a ningunha parte.
  • Interesante. Un tema que está no ambiente e facilita a análise e discusión desde a reacción emotiva de cada alumno.
  • Investigable. Que poña a cen mente e corazón, idea e sentimento, creatividade para logra unha boa solución do problema.
  • Interdisciplinar. É a base dos diversos papeis que entran na solución, activando a discusión e intercambio de ideas desde as diversas áreas de ensino.
• Configuración de papeis.
  • Papeis básicos: no notidrama existen papeis que se dan sempre, sexa cal for o tema: presentador, alumnos, interrogantes…
  • Papeis de especialistas: son os que abordan profesionalmente o tema e comunican a súa opinión, explican, aclaran, responden as preguntas: científico, xeógrafo, literato, músico, deportista, gramático, psicólogo, historiador, filósofo, sociólogo, médico… En fin, os que correspondan normalmente ás diversas área de ensino… e sexan necesarios para o desenvolvemento correcto e profesional dos notidramas.
  • Número limitado: o ideal son dous ou tres especialistas que leven o peso forte e dinámico do notidrama. Ás veces pode intervir algún invitado máis que achega un dato e vaise, deixando aos dous ou tres na súa actividade continua.
• Ficheiro de noticias. Naturalmente, no noso traballo, a fonte de noticias é o xornal, cuxos textos permiten unha lectura e preparación fácil e abundante para o notidrama. Con todo, polo menos para os adestramentos iniciais, propomos o ficheiro de A Noticia do Día, que ofrece moitas vantaxes:
  • En primeiro lugar, un arquivo fixo moi abundante de noticias, durante varios anos, e de fácil acceso.
  • En xeral, bastante variado e que abarca distintas materias, co cal ofrece oportunidade para distintos papeis.
  • E o que é moi importante, no texto aparecen ligazóns e conexións rápidas e con abundante información que, aínda que os do papel especialista non as necesitan, sempre ofrecen datos relevantes e rápidos, gráficos, sínteses e outras conexións para preparar ben as sesións públicas dos notidramas.
• Escenario. A presentación e desenvolvemento do notidrama require un adecuado escenario, onde se coloquen as diversas persoas que representan os seus papeis, co seu título ben visible, mapas, vídeo se for necesario e todo o que axude a unha boa comunicación co público (profesores, alumnos, pais) que asistan ao acontecemento.

• Para máis detalles, véxase o e-studo de noticias «La noticia a escena»: goo.gl/dfJrvn

2. ELECCIÓN DA NOTICIA

Non pretendemos que os seguintes exemplos de noticias sexan os máis adecuados. Cítanse aquí soamente pola cantidade de recursos que ofrece a sección A Noticia do Día. ¿Que papeis poderían desenvolver a presentación, ademais do presentador e alumnos interrogantes?

E, segunda pregunta: ¿reúnen estas noticias, por exemplo, as catro características (os catro is) que se explican máis arriba na elección do tema?

E, terceira resposta: ¡A buscar noticia para o voso primeiro notidrama! ¡É fácil conseguilas e pólo en marcha!

3. EXEMPLOS

CONTAMINACIÓN

• A Universidade de Vigo localizará lixo nas Cíes con drons: goo.gl/3MjFk4
• Todos os comercios cobrarán entre 5 e 30 céntimos polas bolsas de plástico: goo.gl/sGRG7Z

RESPECTO AOS ANIMAIS

• Francia sacrificará a metade dos patos previstos para frear a gripe aviaria detectada en novembro: goo.gl/4yXgQm
• Os xabarís causan xa dez accidentes ao día nas estradas de Galicia: goo.gl/0T5rqS
• Os animais non son cousas, son seres con sentimentos: goo.gl/Ok2IaC

DESXEO DA ANTÁRTIDA

• É un tema moi bonito e facilita, por exemplo, o desenvolvemento dos papeis de científico, xeógrafo, académico e os básicos de sempre. Tela no e-studo La noticia a escena: goo.gl/dfJrvn

---

---