Os tradicionais festexos celebraranse nestes municipios os próximos días 1 e 8 de febreiro
28 ene 2024 . Actualizado a las 12:24 h.Os municipios de Pantón e A Pobra do Brollón e preparánse para celebrar os xoves de compadres e comadres, unha das tradicións de entroido máis características do sur lucense, que serán respectivamente os próximos días 1 e 8 de febreiro. No primeiro deles, a concellería de Cultura animou aos veciños a participar no certame municipal que se organiza con este motivo, aberto ás asociacións, familias, grupos e persoas particulares. Os interesados poden inscribirse na Casa de Cultura ou chamando ao teléfono 982 456 377.
Na Pobra do Brollón haberá queimas de compadres e comadres que se celebrarán en ambos casos na praza da Peza a partir das 18.30 horas. Por outro lado, o 4 febreiro, a partir das 17.00 horas, haberá na Casa de Cultura de Cultura deste municipio un obradoiro de entroido para nenos de a partir de 6 anos de idade. No obradoiro elaboraranse as tradicionais figuras de compadres e comadres, caretas e disfraces, pero —segundo explican os organizadores— servirá tamén para «descubrir novos conceptos vinculados á igualdade e ao bo trato». Para para participar hai que inscribirse na biblioteca municipal —no teléfono 982 430 546-—ou ben enviando unha mensaxe por guasap ao 650 624 828. Os interesados poden apuntarse ata o día 1.