Segundo o Ministerio do Interior, houbo 1.161 violacións en España nun ano. Dende a miña nenez, máis de medio século atrás, o noso nivel de vida mellorou moito: temos democracia, máis igualdade social, mellores condicións de saúde, e a economía é hoxe mellor, mesmo coa crise.
Pero as mortes por violencia machista aumentaron, a prostitución converteuse nun negocio e as violacións proliferan. En todos os tres casos, son delictos contra a vida ou a dignidade das mulleres.
O aumento da violencia machista pode ser debido á emancipación da muller, que provoca unha reacción irracional e primitiva nos homes, que se ven despoxados do seu tradicional poder. O aumento da prostitución parece un efecto secundario e non desexado da liberdade que hoxe disfrutamos. As violacións son difíciles de explicar. Hoxe pódese ter sexo por moi pouco diñeiro.
Rapaces e rapazas fan o amor a idade cada vez máis nova, e as relacións entre adultos non teñen as limitacións doutras épocas. ¿Por que os homes violan? ¿Por odio ás mulleres?
¿Por non facer o esforzo de seducir? ¿Ou por un ancestral desexo de dominación, de impoñer o seu desexo, mesmo pola forza?
A solución, a longo prazo, virá dunha educación que promova o respecto polos outros, neste caso pola muller, e no curto prazo, dun castigo verdadeiramente exemplar para os violadores.