O delegado da Xunta mantivo un encontro coa directiva do Viveiro
19 feb 2019 . Actualizado a las 05:00 h.A Xunta de Galicia financiará con 46.250 euros as obras de iluminación e reforma dos aseos públicos do campo de fútbol municipal de Cantarrana en Viveiro, que pretende desenvolver este mesmo ano.
O delegado territorial da Xunta en Lugo, José Manuel Balseiro, mantivo no propio estadio unha xuntanza coa directiva do Viveiro. Balseiro explicou que a intención da Xunta é financiar a mellora das torres de iluminación do campo de xogo instalando luminarias completamente novas de menor consumo, «o que mellorará o servizo e reducirá os custos
enerxéticos». Na actualidade programábanse os partidos en horario diúrno ou a primeira hora da tarde para evitar a carencia de luz. Tamén se vai acometer a reforma e modernización dos aseos públicos.
«Este novo apoio súmase á instalación dun equipo de rego automático financiada pola Xunta despois de que Concello e Deputación non achegasen cartos», sinalou J. Manuel Balseiro.