Ante as manifestacións realizadas polo alcalde do Valadouro, Edmundo Maseda, publicadas en prensa o día 11 de novembro, onde se me ofende como persoa atentando contra a miña dignidade, honor e credibilidade dunha maneira inxusta, quero facer público o seguinte:
Traballei durante 42 anos no Concello do Valadouro como administrativo, realizando con responsabilidade as miñas funcións e atendendo ós veciños da mellor maneira posible; son unha persoa sencilla, traballadora e honrada, creo que a estas alturas prácticamente todos os veciños me coñecen; por ese motivo o alcalde me quixo levar na súa lista nas pasadas eleccións municipais e eu, ainda que non son política, aceptei para poder traballar polo meu pobo.
Creo que “pedir perdón ós veciños que votaron a nosa candidatura” por estar eu incluída nela está moi fóra de lugar. Non se sinta culpable, alcalde, xa que gracias ós meus votos obtivo vostede catro concelleiros. A defraudada neste caso son eu.
En canto a que “non son de fiar”, recordarlle que cando vostede quixo negociar co BNG sabendo que eles non querían que eu formara parte do equipo de goberno, díxenlle que si era necesario eu me retiraba, pero vostede coa súa verborrea me fixo ver que non debía preocuparme, que eu levaría unha concellaría importante dentro do equipo de goberno, cousa que non foi así, o final non xestionaba nada nin formaba parte do equipo de goberno, simplemente estar ahí asentindo sempre as súas propostas e traballando para vostede. Cómo iba a estar de acordo con semellante resultado desta negociación? Iso non quere dicir que “non teño palabra”, simplemente que fun enganada por vostede, e teño o meu dereito a estar en desacordo, o meu fallo foi confiar na persoa que tiña ó meu lado. Por iso renunciei a esa “Concellaría adscrita á Alcaldía”, que vostede me propoñía, tan importante que non existía antes nin existe na actualidade; non son unha “traidora” como vostede dí, simplemente teño dignidade e me comporto con responsabilidade, con respeto hacia min e hacia os demais e por iso non permito que me humillen e me degraden como fai vostede cos seus comentarios.
Con respecto a que estou a propiciar “tormentas políticas”, dicir que non hai tormenta ningunha, o que hai é que tanto eu coma o resto dos concelleiros da oposición non estamos de acordo cunhas contas que nos presenta para suplementar o presuposto, porque non as consideramos reais por moito que vostede trate de xustificar, e claro, como vostede non está acostumbrado a que se lle leve a contra, sempre ten que ter a razón, agora rebótase de moi malas maneiras, como cando dí “está tan manchada que non hai auga que a lave”, expresión que me ofende gravemente.
E para rematar dicirlle que non fai falla dar máis explicacións nin comentarios a todo o que profire sobre a miña persoa, en canto á súa vostede mesmo se retrata.