«Debí tirar más agua» en vez de fotos: Actualidade e tradición mestúranse nas camisetas da Festa da Auga

Se hai algo característico das festas, e sobre todo das Festas de San Roque, son as camisetas personalizadas para os grupos de amigos. Débora Fontenla, da tenda Lamarka Publicidad, en Vilagarcía, leva xa vinte anos creándoas e sabe moi ben do que fala. «Hai grupos que viñan a facer a camisetas aquí cando tiñan 16 anos. Creceron e agora xa as piden para os seus fillos», explicaba a muller.

Na Festa da Auga a tenda vende máis de mil prendas de roupa e estas poden ser feitas por eles ou totalmente personalizadas polos clientes. Os temas e as frases graciosas elixidas por cada grupo varían moito, pero por norma xeral son unha combinación entre a tradición da propia festa, o humor e a actualidade ou cultura pop. É así como o ano pasado Barbie foi a idea común da que partían moitas das camisetas, mentres que en 2022 o protagonista foi o disco de C Tangana El Madrileño, con frases como «Tu me dejaste de mojar», en vez de querer. Este ano, o tema gañador é o novo álbum de Bad Bunny, do que saen frases como «Debí tirar más agua» en vez de «Debí tirar más fotos».

Os prezos por artígo soen roldar os 10 euros e o 90 % das persoas que encargan camisetas son veciños da zona, pero «hai xente que ven dende fóra só para a Festa da Auga e encargan as camisetas por internet», así o xoves 14 xa poden ir a recollelas.

---

---

---