A compra foi posible grazas a unha subvención conseguida pola Mancomunidade do Salnés
13 nov 2025 . Actualizado a las 11:53 h.A Mancomunidade do Salnés, en colaboración cos concellos de Cambados, de Meaño e de Meis, vén de conseguir unha subvención de 95.695 euros para a mellora dos biorresiduos cofinanciada polo Fondo Europeo relativo ao Mecanismo de recuperación e resiliencia da UE que se está a executar durante o presente ano. Nese marco, Cambados porá en funcionamento mañá venres dous novos centros de compostaxe comunitaria, que se sumarán aos nove que se foron incorporando nos últimos anos na vila do albariño.
Un dos novos centros de compostaxe comunitaria colocaráse na rúa Ribeiriño, detrás do aparcadoiro do centro comercial, e darálles servizo ás vivendas próximas, reforzando deste xeito a área de influencia dos dous centros situados xunto ao pavillón do Pombal e diante das dependencias da Policía Local.
O outro novo centro de compostaxe comunitaria de Cambados estará situado na avenida de Vilariño, diante do CIEP Antonio Magariños, e permitirá completar a área cuberta polos centros de Beleco e da Fonte de Fefiñáns. As charlas explicativas sobre o seu uso faránse mañá na casa do concello desde as 18 horas.