Segunda clase de cociña de mercado en Vilagarcía con Xoanqui Ameixeiras

La Voz VILAGARCÍA / LA VOZ

VILAGARCÍA DE AROUSA

Martina Miser

O espazo gastronómico da praza de abastos acolle hoxe, a partir das once e media, unyha xornada de cociña saudable e de aproveitamento

19 may 2022 . Actualizado a las 05:00 h.

O espazo gastronómico da praza de abastos de Vilagarcía acolle, a partir das 11.30 horas, a segunda xornada de cociña saudable e de aproveitamento «Segunda volta». Xoanqui Ameixeiras volverá a cociñar ante o público que acuda ao primeiro andar do mercado público, utilizando produtos de tempada adquiridos na propia praza e baseándose en receitas tradicionais e de sinxela elaboración, aptas para preparar na casa e para sacarlle o mellor rendemento aos produtos. A asistencia é libre e de balde.

Ravella organiza estas xornadas co obxectivo de dinamizar a praza de abastos á vez que se promove a economía circular e a cociña económica e saudable. Para iso, todas as receitas serán elaboradas con produtos de proximidade, incidindo no aproveitamento das sobras duns pratos para elaborar outros.