Castelao, principio e fin

A homenaxe ao escritor en Rianxo marcou o arranque da carreira do BNG cara os vindeiros comicios

O BNG homenaxeu a Castelao en Rianxo Ana Pontón encabezou a ofrenda floral

Caraveis, gaiteiros, bandeiras... Castelo como principio e como fin. Rianxo, a orixe cara o 26M. Nese escenario empezou a andar onte o curso político do BNG que vai ter unha dobre cita transcendental na primavera, especialmente para Adolfo Muíños, alcalde dende hai sete anos e medio e que ten a intención de alongarse no cargo outros catro. E foi el, rodeado polas principais representacións da formación nos distintos órganos de decisión galegos, e tamén polos líderes da comarca, a quen lle correspondeu abrir o acto nun paseo da Ribeira que zumegaba nacionalismo. «Castelao, o noso principio e o noso fin» foi a frase coa que empezou a súa alocución «baixo a xanela de Castelao desde a que vía o mar», e tamén «baixo a xanela de Dieste», coa mesma paisaxe da ría.

E moi preto del, uns metros ás súas costas, semellaba que o busto de Castelao escoitaba os parlamentos: como o rexedor explicaba que foi traído desde a emigración de Montevideo no ano 1975, obra do escultor Escudero, para converterse nunha homenaxe permanente ao pai do galeguismo, unha peza fundida por anacos de bronce que representan a dureza da distancia forzada.

Muíños afondou nas orixes das Irmandades da Fala de Bóveda e Castelao como berce do galeguismo, do autogoberno, como xanelas de liberdade que hoxe están ameazadas pola chegada da ultradereita, no ano no que volveu a Galicia A última lección do mestre, que precisamente, para o alcalde, é unha chamada a pechar as portas á intolerancia da que fai bandeira. Como receita, Muíños propuxo facer causa cunha nación galega exercendo como dixo Castelao: «Se aínda somos galegos é por obra e graza do idioma».

Altofalantes da liberdade

Adolfo Muíños puxo de exemplo de tolerancia e de altofalantes da liberdade os concellos gobernados polo BNG, como é o caso do de Rianxo, e como exemplo de servizo á cidadanía en situacións de emerxencia como os incendios e o desemprego; coas axudas á dependencia, a solidariedade cos pobos e coas xentes que morren no mar tratando de buscar un mundo mellor no que vivir: «Non somos meros transmisores doutras Administracións, contables autómatas facendo o que nos mandan sen pensar, sen analizar, sen facer política, porque a nosa veciñanza quere que sexamos altofalantes da liberdade, da xustiza social, do benestar, da defensa da sanidade e de compromiso coa xente», concretou.

Xaneiro é o mes de Castelao, porque naceu un 29 e morreu un 7, motivo polo que Rianxo rende homenaxe ao seu veciño máis ilustre do que, o alcalde, instou a seguir a súa ensinanza «polo compromiso ético que representa, exemplo de entrega ao pobo e á nación galega, pola súa defensa do noso idioma e cultura».

Portavoz nacional

A líder nacional do BNG tomou a testemuña do alcalde de Rianxo. Ana Pontón contou como se emocionou recentemente cando acudiu ao Centro Galego de Bos Aires e tivo ocasión de visitar a habitación na que morreu Castelao, tocar as sabas «porque sentín que alí estaba unha parte de nós», explicou. Pontón subliñou a vixencia do nacionalismo en contra das correntes que queren acabar con el: «O nacionalismo é cosmopolita, non é cosmopaleto. Podemos empezar a cambiar o mundo desde aquí, e iso sabíao Castelao».

A responsable do BNG criticou a aqueles que queren manipular o pensamento de Castelao, sinalando que o rianxeiro é de todos os galegos «menos dos fascistas, menos dos que defenden o machismo, prohiben o uso da nosa lingua e manipulan A derradeira lección do mestre, que quere dicir todo o contrario do que di Feixoo», acusou Pontón ao presidente da Xunta.

Tamén fixo referencias a cuestións locais, especialmente as que teñen que ver coas vindeiras eleccións, facendo un chamamento «a traballar con forza, con convicción e con confianza para fortalecer ao BNG como alternativa a un PP que leva a Galiza ao desastre e para poñer freo á involución democrática».

Nin un paso a atrás

A portavoz falou da loita na defensa dos dereitos das mulleres, advertindo que «non imos dar nin un só paso atrás», momento no que aproveitou para arroupar á concelleira rianxeira Hadriana Ordóñez, que denunciou un caso de agresión sexual que acaba de ser reaberto. Ana Pontón avogou porque se investigue ata o final, con todas as consecuencias.

Para rematar, dixo que o BNG vai seguir defendendo a Galicia, cuestionando a Constitución por ser «un corsé para desenvolver o país», e a monarquía.

Ofrenda floral ao son da marcha do Antigo Reino

O final da celebración que tivo por escenario o paseo da Ribeira de Rianxo foi o depósito dun ramo de flores aos pes do busto de Daniel Rodríguez Castelao que desde hai 43 anos que chegou de Montevideo permanece a poucos metros da que fora a súa casa. O alcalde da vila, Adolfo Muíños, e a voceira nacional do BNG, Ana Pontón, fixeron a ofrenda, acompañada pola interpretación da marcha do Antigo Reino de Galiza. Tan pronto rematou a homenaxe, cantouse o himno galego a capela polo máis de medio cento de persoas que acudiron ao encontro dos nacionalistas galegos, que corearon «Viva Galiza ceibe» e «Galiza ceibe, poder popular».

Pontón abre el curso del BNG exigiendo a Feijoo que actúe con la sanidad y Alcoa

rIBEIRA / LA VOZ

La portavoz nacional acusó al gobierno del PP de estar desmantelando la sanidad pública gallega a base de recortes

El BNG sitúa a Rianxo como línea de salida del curso político cada año porque la villa barbanzana es la cuna de Castelao, el galleguista nació y falleció en enero y, desde el 2011, el gobierno local es del Bloque. Con estos mimbres, la portavoz nacional, Ana Pontón, se plantó a unos metros del busto del autor de Sempre en Galiza para disparar directamente al presidente de la Xunta, Alberto Núñez Feijoo, por cuestiones como la sanidad pública, para la que pidió el fin de los recortes y la cabeza del conselleiro; o el cierre de Alcoa, acusándolo de complicidad por permanecer callado y exigiéndole una tarifa eléctrica gallega.

Seguir leyendo

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
6 votos
Tags
Comentarios

Castelao, principio e fin