O colexio Xesús San Luís Romero gaña outra vez o premio das Letras que convocou Política Lingüística

Segunda victoria para o centro carballés, esta vez cun proxecto relativo á figura de Antonio Fraguas


carballo / La Voz

Xa é o segundo ano seguido. E esta vez co título Antonio Fraguas, con A de agarimo e F de folclore. O CEIP Xesús San Luís Romero de Carballo gañou o premio do concurso-exposición Letras Galegas 2019 convocado pola secretaría xeral de Política Lingüística, da Consellería de Cultura, e a dirección xeral de Educación.

O recoñecemento corresponde á categoría de infantil e primaria, mentres que o de secundaria foille outorgado ao instituto Álvaro Cunqueiro de Vigo. Os dous centros premiados recibirán cadansúa cantidade en metálico, 2.000 euros, e mais unha certificación equivalente a 20 horas de formación, ou 30 no caso dos coordinadores, para o profesorado implicado. As dúas coleccións dos dez carteis seleccionados que integran cada unha das mostras e as súas correspondentes guías didácticas serán reproducidas e distribuídas en máis de 2.000 puntos de Galicia e do exterior. A idea é que a figura de Antonio Fraguas, homenaxeado ese ano no Día das Letras Galegas, que chegue a toda a sociedade, ao estudantado e á colectividade emigrante.

O xurado do premio, que está patrocinado por Feiraco, valorou a obra do San Luís por tratarse dun «harmonioso conxunto de carteis en que o coidado estético se combina co emprego das tecnoloxías da información e da comunicación». Así, logra ofrecer a un Antón Fraguas «estudoso e docente», ao tempo que bondadoso, xeneroso e amante da cultura e tradicións de Galicia.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O colexio Xesús San Luís Romero gaña outra vez o premio das Letras que convocou Política Lingüística