Nin un paso atrás!


A asociación feminista Buserana quere manifestar a total e absoluta repulsa cara ás políticas que tratan de empregar os dereitos das mulleres coma moeda de cambio, recortando dereitos duramente conquistados e banalizando perigosamente a violencia de xénero que cada ano tantas vítimas acaba cobrando a mans dun machismo que recrúa. Indigna que se tente relativizar asasinatos machistas disfrazados de eufemismos como «violencia doméstica», cando cada ano as cifras son contundentes e indican que as mulleres morren por selo. Porque quixeron independizarse, ser libres, soltar as cadeas dunha vida onde vivían presas do temor a unha nova malleira, unha chuvia de insultos ou o desprezo continuo. Ese é o motivo polo que son asasinadas: por querer decidir sobre a súa propia vida. Moitas, cada ano, non o conseguen. Sucumben ás credenciais de posesión que os homes cren ter sobre elas, sobre nós. Porque todas somos potenciais vítimas dun machismo ao que queren dar pulo en vez de poñerlle freo.

Estamos fartas de que sexan homes os que decidan sobre o noso futuro, os nosos dereitos, onde e cando podemos abortar, cando debemos traballar, en que posto, con quen. É por iso que nos sumamos ás concentracións do resto de compañeiras e de asociacións que non están dispostas a calar nin ficar quedas en Andalucía o próximo día 15 de xaneiro . Non estamos dispostas a ser mercancía coa que negociar butacas e poder. Só nós somos donas das nosas vidas... e ante iso, nin un só paso atrás!

A asociación feminista Buserana fundouse no ano 1999, polo que neste 2019 cumprirá dous decenios, 20 anos. Dende o mes de novembro ten no edificio Agra Vello de Cee a súa sede, un espazo que viñan solicitando hai xa moitos anos. Dende alí fan historia do feminismo na Costa da Morte.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

Nin un paso atrás!