A Fundación Fernando Blanco homenaxeou a tódalas persoas que integraron a entidade dende o 1961
CEE
Emotivo acto de clausura da duodécima edición do Mes da Fundación, con ofrenda floral e actuación de Antía Muíño
28 oct 2025 . Actualizado a las 05:00 h.A duodécima edición do Mes da Fundación, iniciativa cultural impulsada pola Fundación Fernando Blanco en Cee, concluíu a pasada fin de semana cunha fermosa homenaxe a tódalas persoas que ao longo dos seus máis de sesenta anos de historia formaron parte do padroado.
A velada comezou cunha intervención do secretario da entidade e técnico do museo que leva o nome do filántropo, Darío Areas, quen falou do 150 aniversario do falecemento de Fernando Blanco e da conseguinte creación da fundación. Tamén salientou que unha das últimas vontades do prócer foi construír ese colexio que aínda hoxe segue en funcionamento e afondou en de que xeito e por que motivo no 1961 se constituíu o padroado.
Foron 28 as persoas que nestes 64 anos formaron parte del, e a todas elas, ben a título póstumo ou de xeito presencial, se lles entregou o domingo un recoñecemento. Concretamente, un diploma no que constan dúas imaxes antigas dos centros educativos erixidos en Cee, o gravado de Bartolomé Maura e unha frase que pronunciou o primeiro director do instituto na súa inauguración.
Estas foron as persoas que integraron a entidade:
- Manuel Trillo Freire
- José Trigo García
- Juan Louro del Río
- José Antonio Trillo Durán
- Domingo Quintáns Trillo
- Antonio Castro García
- Ángel Santamaría Díaz
- José Sánchez García
- José Luis Fernández Mosquera
- José Muñiz Torreira
- Manuel Lamela Lestón
- José Cespón Abelleira
- Manuel Vázquez Formoso
- Manuel Castro Castro
- Camilo Soto Domínguez
- Elvira Díaz Reinante
- José Antonio Domínguez García
- Jesús Casas Camino
- Ramón Ramiro Vigo Sambade
- María del Mar Castro Bugeiro
- Chelo Trillo Lago
- Zaira Rodríguez Pérez
- Margarita Lamela Louzán
- Sonia Belén López Bugeiro
- Eva García Caamaño
- Darío Areas Domínguez
- Desire Kouakou Tanoh
- Sofía Crespo Merelas
O acto concluíu coa actuación da artista Antía Muíño, que estivo acompañada polo saxofonista Miguel Arribas, e coa ofrenda floral no sepulcro do filántropo.