Doce espectáculos compiten nos premios de teatro María Casares

As montaxes «Commedia», con 12 candidaturas, «Divinas Palabras Revolution», con 7, e «A leituga», con 5, encabezan a nómina de favoritos

Detalle da montaxe «Commedia», da compañía Contraproducións
Detalle da montaxe «Commedia», da compañía Contraproducións

Redacción / La Voz

Doce espectáculos competirán como finalistas por algún dos galardóns -nas catorce categorías en xogo- que se entregarán na gala da 23.ª edición dos premios de teatro María Casares, que o 21 de marzo acollerá o teatro Rosalía de Castro da Coruña. Así se deu a coñecer onte na festa dos finalistas.

O acto, presentado pola secretaria da Asociación de Actores e Actrices de Galicia (AAAG), Iria Sobrado, revelou que a montaxe Commedia, de Contraproducións, acada un total de doce candidaturas ao resultar finalista nas categorías de espectáculo, dirección, adaptación-tradución, actriz e actor protagonista, vestiario, escenografía, iluminación, música orixinal e actor secundario (por partida tripla, acapara todos os finalistas).

Á Commedia séguea de preto Divinas Palabras Revolution, produción do Centro Dramático Galego, que rexistra sete finalistas, nas categorías de espectáculo, dirección, actriz protagonista, actriz secundaria, adaptación-tradución, maquillaxe e escenografía.

A leitugade Emedous Emoción&Arte, pecha a tríade de obras con máis candidaturas, xa que opta a cinco galardóns: espectáculo, actriz e actor protagonista, escenografía e iluminación. Invisibles, de Redrum, e Casa O’Rei, de Ibuprofeno, lograron catro finalistas cada unha: Invisibles competirá en dirección, adaptación-tradución, iluminación e actriz secundaria, e Casa O’Rei podería gañar en música orixinal, texto orixinal, actor protagonista e actriz secundaria.

As montaxes O servidor de dous amos, Anatomía dunha serea, #Camiños, Contos do recreo, A nena e o grilo máis aló, Patapatúm e Arnoia, arnoia completan a nómina de aspirantes.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Tags
Comentarios

Doce espectáculos compiten nos premios de teatro María Casares