O canteirán do Celta destaca que confiou en si mesmo e nos compañeiros na tanda de penaltis fronte ao Sant Andreu
05 dic 2025 . Actualizado a las 02:10 h.O canteirán do Celta Hugo Álvarez, que reapareceu tras lesión no partido de Copa fronte ao Sant Andreu -non xogaba desde o 23 de outubro, fronte ao Niza-, valorou o cruce no que os célticos conseguiron, con sufrimento, o billete para a seguinte rolda. «Foi complicado, sabiamos que podiamos atoparnos un encontro así. Ao final, cumprimos o obxectivo e estamos con moitas ganas da seguinte rolda».
En canto a como viviu a tanda de penatis, na que protagonizou un dos lanzamentos e na que ningún céltico errou desde os once metros, comenta: «Intentei estar o máis tranquilo posible, confiei moito nos meus compañeiros e en min mesmo». E queda co desenlace por riba do resto: «Ao final, conseguimos pasar, que é o importante».
Tivo tamén palabras para a afección que non os deixou sós un xoves de decembro e moi lonxe da casa. «Estamos moi agradecidos a eles e moi orgullosos. Sabemos que sempre van estar connosco. Demostran en cada partido fóra que sempre están aí, sentimos o seu apoio». Agora é tempo de pensar no vindeiro encontro, fronte ao Real Madrid no Santiago Bernabéu o domingo: «Imos intentar sacar os tres puntos, que vai ser complicado».
