Obradoiros de fotografía do ceo nocturno, das covas e das fervenzas na Serra do Courel

As actividades desenvolveranse entre os próximos días 26 e 27


Entre os próximos días 26 e 27 desenvolveranse na Serra do Courel unhas xornadas de iniciación a fotografía da natureza, tanto diurna como nocturna. Para o día 26 están previstas unhas sesións de introdución á fotografía de cursos de auga que terán por escenario as fervenzas de Vieiros, Aldonza e Castromao, así como as beiras do río Lor. Pola noite haberá un obradoiro de fotografía nocturna que terá por escenario o monte Taro Branco.

O día 27, por outro lado, haberá un obradoiro de espeleofotografía que se desenvolverá na Cova de Santalla de Lóuzara. As actividades son organizadas pola empresa Tourgalia, que xestiona o albergue turístico do Concello de Quiroga. As inscricións custan 30 euros -no caso do obradoiro de fotografía de cursos de auga- e 25 euros nos de fotografía nocturna e espeleofotografía. O prezo comprende un xantar no primeiro e no terceiro casos e unha cea no segundo. Para cada un deles hai un máximo de quince prazas dispoñibles. Os interesados poden solicitar información e facer reservas no correo info@tourgalia.com e no teléfono 629 323 208.

Na imaxe sobre estas liñas, un obradoiro de fotografía nocturna organizado no Courel no 2014 polo club Chíscalle.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Obradoiros de fotografía do ceo nocturno, das covas e das fervenzas na Serra do Courel