Competirán na final do certame "Rosalía sempre viva"
22 mar 2019 . Actualizado a las 17:42 h.Catro estudantes do instituto monfortino Río cabe clasificáronse para a fase final do concurso escolar de recitado poético "Rosalía sempre viva", que este ano chega á súa edición número cinco. Conseguíronse durante un recital que se celebrou este xoves co que este centro conmemoraba ademais o día mundial da poesía.
As clasificadas son África Coba Albo e Zeltia Pérez Barrientos na categoría de estudantes de ESO, Sandra Rodríguez Macía e Lucía Rodríguez Abellano na de bacharelato. A final do concurso celebrarase o sábado 6 de abril na Casa-Museo Manuel María no municipio de Outeiro de Rei.
O instituto decidiu á súa vez denominar Poetízate o concurso de poesía no que participaron as catro alumnas gañadoras xunto con outros compañeiros de todos os cursos. Celebrouse no vestíbulo do centro e as obras elixidas polos alumnos estaban escritos en diversas linguas, como o galego, o castelán ou o chinés. Había versos de autores coñecidos, pero tamén de elaboración propia dos estudantes que quixeron participar. No recital tivo un espazo significativo a poesía escrita por mulleres, entre outras cousas porque esta actividade forma parte da programación do bloque temático Palabras de Muller.