O programa, que comezará este domingo, comprende oito representacións
04 nov 2025 . Actualizado a las 12:02 h.Oito representacións forman parte do ciclo Tardes de Teatro de Outono e Nadal, que organiza o Concello de Ribas de Sil e que comezará o próximo domingo. Todas as funcións ofreceranse 18.00 horas no salón de actos da casa consistorial. O ciclo, no que participan compañías de teatro profesional e afeccionado, organízase coa colaboración da Vicepresidencia da Deputación de Lugo e das asociacións locais Remansiño do Sil e Remeite, ademais do xeoparque Montañas do Courel. A entrada será libre. Uha das funcións correrá a cargo do grupo Augas do Sil, formado por veciños deste mesmo municipio.
A continuación detállanse as obras que forman parte deste programa:
9 de novembro. Na primeira función poderá ofrecerase a obra Activ@s, do grupo Lume Escénico.
15 de novembro. A compañía Nova Escena representará a peza Expectativa lonxana.
22 de novembro. Para esta data está programada a obra A carreira de Manuel, da compañía Cañola Teatro.
29 de novembro. O Grupo de Teatro do Hospital de Lugo representará Asasinato na tenda de roupa.
8 de decembro. As pezas Morreu a tía María e Non casei con todos serán postas en escena polo grupo Augas do Sil.
13 de decembro. A compañía Os Trocos representará Un camiño meteórico.
20 de decembro. A seguinte función correrá a cargo do grupo Abrente, que escenificará A herencia de Xoana.
27 de decembro. O ciclo pecharase coa obra Transparentes, da compañía Compás Enésima.