Logo de anos reclamando o cambio horario mañá someterase a consideración a proposta
22 ene 2019 . Actualizado a las 20:31 h.Hai anos que se está tentando promover a xornada única no colexio Calvo Sotelo do Carballiño. A Anpa da Uceira ten reclamado en varias ocasións a implantación da mesma para facilitar a conciliación familiar e por considerar que ese modelo é o máis axeitado para os seus fillos. Ata o de agora non se tomou en consideración a proposta por parte de Educación e os pais denunciaron en varias ocasións que a Consellería primaba outros intereses, como o de cadrar os horarios do transporte escolar, que a reclamación das familias. Por fin a Consellería de Educación accedeu a someter a proposta a votación, as anteriores iniciativas e consultas foron por iniciativa dos pais, e a consulta será o mércores, día 23. Entre as 10.30 e as 20.00 horas os pais poderán exercer o dereito a voto na mesa que estará situada no colexio público de A Uceira.