O festival foi presentado pola concelleira de Cultura, Emilia Somoza, e o director, Carlos Montero
21 jul 2018 . Actualizado a las 05:00 h.Xa está en vigor a data para a terceira edición do Festival Internacional de Curtas Vía XIV. Unhas xornadas que se desenvolverán en Verín entre os días 1 e 9 de decembro.
Na presentación do acto estiveron presentes a concelleira de Cultura, Emilia Somoza, e o director do certame, Carlos Montero. Ambos explicaron as bases do concurso e salientaron que todas elas estarán recollidas na páxina oficial do festival.
O ano pasado esta iniciativa mobilizou a máis de 2.800 persoas. «O noso obxectivo é continuar desenvolvendo accións vinculadas ao cine para todos os públicos», explicaba a concelleira.
Pola súa banda, Carlos Montero aproveitou para destacar a calidade, tanto do certame en si, coma das curtas que se presentaron os anos anteriores, algunhas delas premiadas posteriormente.