No marco das iniciativas impulsadas pola Deputación de Pontevedra para promocionar a gastronomía das Rías Baixas, organizouse o certame fotográfico on line Comemos polos ollos. Sete foron finalmente as imaxes publicas en redes sociais que foron seleccionadas, todas elas centradas en produtos de proximidade.
Así, na categoría Produtos ao Natural, o primeiro premio recaeu en Rocío Garrido e a obra Rociococina, mentres que o segundo foi parar a Esteban Viéitez, con Tevi, e o terceiro a Patricia Estévez, con Estrellasolimones.
Pola súa banda, na categoría de Produtos Cociñados, Rocío Garrido volveu a alzarse co primeiro premio, mentres que o segundo foi para Alberto Ribas, Maisgrelos, e o terceiro para Margarita Pazos, Margapazos. Esta última, ademais, conseguiu o premio de Composición Fotográfica.
Todos os galardoados recibiron uns lotes de produtos do destino Rías Baixas presentados en bolsas da campaña Segue o teu instinto.