Este domingo, en horario de 10 a 14 horas, o Palacete das Mendoza clausurará a exposición 12 pinturas e 12 poemas visuais, de Xoan Cerviño. Esta mostra, segundo indicaron dende a Deputación de Pontevedra, está protagonizada polos pinturas do artista estradense «cuxa obra pictórica e escultórica foi premiada en varias ocasións».
No caso de 12 pinturas e 12 poemas visuais, Xoán Cerviño «achéganos unha proposta composta por doce pinturas nacidas da experiencia da paisaxe. Nelas tamén aparecen doce obxectos atopados e minimamente manipulados, nos que existe un sentimento ecoloxista e suxire unha poética sinxela».
O propio artista refire que estes «non son só restos dunha tala de árbores ou camiños de couza en troncos, senón tamén un exemplo de resiliencia da natureza», engadiron ao respecto.