Presentáronse 266 debuxos realizados por nenos e nenas de entre 5 e 12 anos
19 mar 2023 . Actualizado a las 05:00 h.A Delegación de Pontevedra do Colexio Oficial de Arquitectos de Galicia (COAG) entregou os premios do primeiro Concurso de Debuxo Infantil A Supercasa, que se convocou con motivo do Día Mundial da Arquitectura. No certame, que naceu para dar a coñecer aos máis pequenos da casa a importancia que ten a arquitectura na calidade de vida e benestar da sociedade, presentáronse 266 debuxos realizados por nenos e nenas de entre 5 e 12 anos que cursan Educación Primaria.
O xurado elixiu como gañadores nas distintas categorías a Enzo Granja, de Moaña; Nadia Fernández, de Marcón (Pontevedra); Xoán Arosa, de Pontevedra; Lucas Rodríguez, de Vigo; Orlindes Noya, de Ourense; Noa Visconti, de Caldelas de Tui; Miguel Xiaozhu, de A Coruña; Lúa Saco, de Ourense; e Irene Bastos, de Vigo.