O programa Falaredes chegará a Ames en maio
22 mar 2019 . Actualizado a las 12:55 h.A nova edición do programa de dinamización lingüística FalaRedes homenaxeará a Antonio Fraguas. Será cun espectáculo teatral-musical titulado Canta, miña pedra, canta, que ofrecerán Xoán Curiel e Charo Pita. Chegará a catorce concellos, entre eles, Ames (Casa da Cultura de Bertamiráns, 31 de maio). Curiel explicou que fixo unha escolma dalgunhas cantigas que recolleu Fraguas, pero tamén inclúe composicións propias. Pita indicou que ofrecerán, así mesmo, historias que recolleron acaídas para nenos. Na presentación participaron o secretario xeral de Política Lingüística, o presidente da Fundación Antonio Fraguas e o director xeral de Galaxia.