O conselleiro de Cultura exalta en Padrón o legado de Cela con motivo do 109 aniversario do nacemento do escritor

O conselleiro de Cultura, Lingua e Xuventude, José López Campos, estivo esta mañá en Padrón para realizar unha ofrenda floral ante a tumba de Camilo José Cela no cemiterio de Adina, en Iria-Flavia, con motivo do 109 aniversario do nacemento do autor, data que é o vindeiro domingo. O conselleiro estivo acompañado polo director xeral de Cultura, Anxo M. Lorenzo; pola directora-xerente da Fundación Cela, Covadonga Rodríguez; polo goberno local de Padrón, encabezado polo alcalde Anxo Arca; polos rexedores de Rois e Dodro, Ramón Tojo e Xabier Castro, respectivamente, polo presidente do Clúster Turismo de Galicia, Cesáreo Pardal e por algún veciño de Iria. No acto, que contou coa música do grupo Xoldra E Máis, López Campos lembrou o legado de Cela e destacou ao autor «por ter sido unha das voces máis singulares e poderosas da literatura española do século XX».

O conselleiro de Cultura sinalou, ademais, que este 2025 cúmprense 30 anos da concesión do Premio Cervantes a Cela, unha das maiores distincións das letras hispánicas. Neste senso, tal e como indicou López Campos, «para homenaxear ao mestre da palabra e defensor da nosa identidade cultural», procedeuse á lectura da obra Madera de Boj, ambientada na Costa da Morte e que é a última das súas novelas. Foi no auditorio da fundación, por parte de alumnos do IES Camilo José Cela e do Macías o Namorado de Padrón.

 

 

---

---

---