«Non concibimos outro xeito de falar coa clientela que non sexa en galego»

Máis de setenta locais de Santiago, Ames e Teo ofrecen servizos e produtos coa lingua galega como referente


santiago / la voz

Á presenza do galego como lingua de referencia da comarca de Compostela ben se lle pode aplicar o dito de que son todos os que están, pero non están todos os que son. A plataforma #galegoempresas é a mellor forma de comprobalo, xa que nesta iniciativa, promovida polo departamento de Normalización Lingüística de Santiago, á que se sumaron Ames e Teo, ten nestes intres setenta e sete establecemos inscritos.

O uso do galego non é igual en todos eles, xa que a porcentaxe vai do 100 % ata o 51 %, xa que neste último caso está unha empresa de comunicación que traballa con clientela de fóra de Galicia e unha axencia de viaxes, que organiza visitas en diferentes idiomas. Iso si, todas elas teñen moi claro que o galego é a súa lingua, e por iso a usan para o seu contacto co público, aínda que despois, se cómpre, tiran doutras linguas ou recursos para comunicarse. «Nós non concibimos outro xeito de falar coa nosa clientela que non sexa usando o galego, porque temos que axudar a que a xente se sinta cómoda». Así o explica Isidro Pernas, de Multicentro Pernas, un histórico establecemento de Pontevea, no concello de Teo. No seu caso, a incorporación no programa é moi recente, e non supuxo apenas cambios no xeito de traballar para a plantilla, de quince persoas.

Esta reflexión é moi semellante á de Katia Mera e Enrique Martínez, da tenda Legumia, que vende cultivos ecolóxicos e de proximidade en Santiago. «Apostar polo galego foi continuar coa nosa normalidade», sinala Mera, que ve un valor engadido en que o primeiro contacto co público sexa en galego, «aínda que despois te adaptes».

«Nos traballos artísticos hai moito máis respecto por todo, tamén nas linguas»

Adrián Cunha abriu en Bertamiráns o seu negocio Pixelín Photo

Adrián Cunha é fotógrafo, e desde hai ben pouco abriu en Bertamiráns o seu negocio Pixelín Photo, un nome que xa amosa a súa teima de mimar as orixes, xa que pixelín era o alcume que tiña canda neno, e que hoxe o define no seu traballo. Cando decidiu dar o salto e alugar oficina profesional preto da súa casa tiña claro que o galego seguiría sendo a súa ferramenta para a fala.

 

«Fago facturas e orzamentos sempre en galego, aínda que vaian para fóra, e nunca tiven problemas con ningún cliente», afirma. Tamén recoñece que «nos traballos artísticos hai moito máis respecto por todo, tamén nas linguas».

Seguir leyendo

Conoce nuestra newsletter con toda la actualidad de Santiago

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
10 votos
Comentarios

«Non concibimos outro xeito de falar coa clientela que non sexa en galego»