A exposición estará na Casa Galega da Cultura ata finais de setembro
09 jun 2024 . Actualizado a las 22:15 h.Ata o 29 de setembro, o vestíbulo da Casa Galega da Cultura (praza da Princesa) acolle unha exposición sobre Luísa Villalta baseada nos fondos bibliográficos e documentais que posúe a Fundación Penzol ao redor da poeta coruñesa a quen a Real Academia Galega dedicou este ano o Día dás Letras.
A exposición, de carácter divulgativo, presenta nunha serie de paneis un sintético percorrido pola vida e a obra da escritora. Ademais, en tres vitrinas amósanse corenta publicacións que recollen boa parte da súa obra, todas pertencentes aos fondos da biblioteca Penzol. O itinerario vital e cultural de Luísa Villalta empeza na Cidade Alta, na Coruña, e segue na Universidade de Santiago, para pasar pola súa produción literaria e a súa vinculación coa música, como violinista, no grupo folk Escaino, a Orquestra de Santiago e a Xove Orquestra de Galicia. Villanueva lembrou que Villalta denominaba violino ao seu instrumento musical. De lunes a viernes de 9.00 a 14.00 y de 17.00 a 20.00 horas.