PLAZA PÚBLICA
22 abr 2003 . Actualizado a las 07:00 h.A MÚSICA, como linguaxe universal que é, sempre é ben recibida polos sentidos e non só polo auditivo. A través das ondas se debuxan paisaxes. O último disco de Carlos Núñez, por exemplo, adica un dos seus temas á Mondoñedo, e concretamente a un recuncho moi especial e único na nosa xeografía, as covas do Rei Cintolo, no que as estalactitas da cova serven de instrumento musical. Se afinamos máis o noso oído seguro que comprobaremos con sorpresa como A Mariña ten a súa propia orquesta e cada un dos seus compoñentes segue a batuta das olas do mar. En Almas de Fisterra cobra un especial protagonismo a conexión de Galicia coas terras da Bretaña francesa. Curiosa relación, porque hai moi pouco Foz selou a súa amizade coa localidade de Trégastel, seguindo os pasos que no seu día deron Viveiro con Lannion e Mondoñedo con Tréguier. A música, outra forma de viaxar aló.