![](https://img.lavdg.com/sc/medtPsmClb8A7EJmDxj_nLpeO0M=/480x/2017/08/10/00121502395802505392199/Foto/XG11C5F1_22717.jpg)
A XXI Feira do Libro de Viveiro contará con dez postos e moitas actividades
11 ago 2017 . Actualizado a las 05:00 h.A viveirense Mari Carmen Lage, libreira de profesión, leva máis de 20 anos coordinando a feira do libro na cidade do Landro.
-Que significa e que repercusión ten para Viveiro a Feira do Libro?
-É un acto cultural importantísimo, eu creo que toda cidade que se prece debe ter unha feira do libro. Todo o que ama a lectura se achega é Feira do Libro de Viveiro, incluso tamén os que non son lectores habituais. Dalgún modo, dálle prestixio social e cultural ao noso pobo.
-Dada a situación e a competencia que existe cos libros electrónicos, cre que este tipo de feiras son un escaparate e axudan a potenciar as vendas de libro en papel?
-Sen lugar a dúbidas, hoxe en día grazas a feiras, presentacións e demais actividades similares, a venda de libros estase incrementando. De feito, unha enquisa estadounidense asegura que a venda do libro electrónico descendeu nun 70% polo dominio dos ordenadores e dispositivos tecnolóxicos nas nosas vidas, a xente está saturada; o libro en papel é un pracer para os sentidos.
-Que caracteriza a esta feira?
-Estamos ante a única feira de España que ten unha pregoeira infantil, nesta ocasión será Andrea Dovale. Tamén é de destacar a solera que temos, xa que contamos cun montón de escritores de renome no ámbito nacional que, por iniciativa propia, amosan un interese enorme por presenta-los seus libros aquí.
Un total de dezaoito autores asinarán e presentarán as súas obras na feira
Dende o sábado día 12 ata o mércores 16, 18 escritores de ámbito galego e nacional pasarán pola feira viveirense. 10 deles presentarán as súas obras e o resto asinaranas ou participarán noutras actividades.
Mañá a partir das 21 horas preséntase Origen en Compostela. La leyenda coa posterior sinatura de exemplares a cargo do seu autor Manuel Rajal. A xornada do domingo conta cun total de tres presentacións, destaca a de O Xogo de Babel da escritora nada en Teruel Elena Gallego Abad, quen estará acompañada polo filólogo e escritor Miguel Sande.
O luns día 14, o viveirense Ramón Pernas fará a presentación da súa obra O Libro de Jonás.
Cerrará as presentacións programadas para a XXI Feira do Libro de Viveiro a autora madrileña con El Vuelo de la Libélula.