26 jul 2025 . Actualizado a las 14:21 h.
A Banda Municipal de Música de Ribadeo foi unha das formacións que puxo música ao Día da Patria na comarca da Mariña. No seu caso, é a terceira actuación que tivo lugar neste mes de xullo, despois do Ribadeo Indiano e o Festival de Bandas. Baixo a dirección de David Ballester Martínez, numeroso público se achegou ao Campo de San Francisco o venres 25 para escoitar temas como Lela, outra peza de Tchaikovsky con arranxos de Mark Williams, Solamente una vez de Agustín Lara, Panxoliño dos irmáns Groba e o Himno Galego.
Outra das citas sonoras da xornada especial en Galicia tivo lugar na romaxe de Sargadelos, en Cervo, honrando a Santiago Apóstol, na que actuaron grupos coma o cervense Fol do Raxal.