Moito público acudiu este domingo á tradicional cita gandeira do San Bartolo na parroquia de San Isidoro do Monte, en Xove
24 ago 2025 . Actualizado a las 16:39 h.A parroquia de San Isidoro do Monte, en Xove, no lugar de Penas Agudas, viviu este domingo desde primeira hora unha das súas citas anuais máis esperadas coa tradicional Feira de Gando de San Bartolo. Case 300 reses (ó redor de 150 cabalos e 130 vacas) participaron nun mercado ó que acudiron criadores de Xove, Vilacampa ou Ferreira do Valadouro, entre outros, como destacou o presidente da Comunidade de Montes Costa de Laxamoura, Antonio Paleo, que organizou a feira en colaboración co Concello.
«Está sendo unha feira extraordinaria. Tanto polo número de animais como polo tempo. Hai moita xente», destacou nas primeiras horas da tarde. O programa incluía sesión vermú e verbena, ademais de concursos gandeiros (pola mañá) e marcha (pola tarde).