29 sep 2003 . Actualizado a las 07:00 h.
A Mequiña lavou a súa pobre imaxe do sábado en Portugalete cunha segunda praza na I Bandera El Corte Inglés-ACT, disputada o pasado domingo en Getxo como punto e final á primeira tempada organizada pola Asociación de Clubs de Traineras. A embarcación grovense marcou un tempo de 19.46.76, a cinco segundos e 27 centésimas do gañador da proba, Orio, e con un segundo e 13 centésimas de ventaxa sobre a gran dominadora da Liga ACT, Astillero. Castro, con 19.52.49, e Pasai Donibane, con 19.59.73, foron cuarta e quinta. No que respecta á promoción de ascenso e de descenso, Isuntza voltou a gañar na segunda e derradeira proba puntuable, asegurándose a permanencia, acompañada do ascenso de Trintxerpe, segunda en Portugalete e terceira en Getxo.