Teresa Táboas presenta en Vilagarcía a nova formación Compromiso por Galicia
AROUSA
14 jul 2012 . Actualizado a las 20:59 h.
Froito da confluencia de Máis Galiza con Acción Galega e o colectivo Ecogaleguistas, Compromiso por Galicia é unha nova formación política que agroma no eido do nacionalismo galego. O venres á noite fixo o seu acto de presentación en Vilagarcía, na Tasca da Mariña, contando coa exconselleira de Vivenda, Teresa Táboas, o exdeputado Quico Paz Antón e o secretario xeral de Máis Galiza, Xoán Bascuas, ademais de políticos como Nando Casal, excandidato do BNG á alcaldía de Catoira. O aspirante de Compromiso por Galicia á presidencia da Xunta será escollido nun proceso de primarias aberto á cidadanía.