Ten en consideración a colaboración total da entidade celeste para identificar o agresor do auxiliar do colexiado do derbi co Sanxenxo
28 ene 2016 . Actualizado a las 05:05 h.A directiva do Vilalonga, coa súa presidenta, Lorena González Fernández, á cabeza, respiraba onte aliviada ao coñecer a resolución de Competición da Preferente Sur respecto á leve agresión sufrida da man dun afeccionado por un dos auxiliares do colexiado que o pasado domingo dirixíu o derbi entre o cadro celeste e o Xuventú Sanxenxo no Novo San Pedro.
O órgano federativo decidíu «no sancionar al Vilalonga F.C. por el incidente del público dada su presta y diligente actuación para permitir la localización del espectador autor de la agresión». Un acordo no que sen dúbida influíron o contido e o fondo da alegación presentada polo club arousán, na que argumentou a súa colaboración desde o primeiro minuto co auxiliar agredido e coa propia Federación.