Os de Jorge Otero, sen o mancado Alberto Martín, precisan os 3 puntos para aspirar a saír dos postos de descenso
27 mar 2022 . Actualizado a las 05:00 h.Obrigado a gañar. Así afronta esta tarde (17 horas) o Arousa o duelo que o mide en terras asturianas á U.P. Langreo. Un choque no que o equipo que dirixe Jorge Otero debe sumar os 3 puntos que lle permitan igualar os 33 do seu rival e confiar poder saír con eles da antepenúltima praza e da zona de descenso á que o levou a súa pésima traxectoria nas últimas semanas.
Otero pídelles aos seus homes que se liberen da tensión, entendendo que o Arousa está a se ver lastrado por un exceso de responsabilidade. O técnico arlequinado deberá buscarlle un recambio ao mancado Alberto Martín. Co Arousa viaxan medio cento de seareiros.