![](https://img.lavdg.com/sc/rWN_XumOTuGOfGQgP9WovrvbBm4=/480x/2023/01/26/00121674737583093941456/Foto/A05M2023.jpg)
O Concello abre o prazo de inscrición para os grupos que participen nas actividades
26 ene 2023 . Actualizado a las 14:09 h.As concellerías de Festas, Cultura e Servizos da Illa comezan a traballar na organización do entroido 2023 coa apertura do prazo de inscrición das comparsas e grupos participantes e co deseño dunha programación que se prolongará durante seis días. A inscrición abre o prazo tamén para que as comparsas participantes recollan os materiais que precisen para armar as súas carrozas. Como en anos anteriores o cartón será subministrado polo Concello e o resto de materiais poderán ser retirados nas ferraxería e tendas de efectos navais de costume.
As bases que regularán a participación no entroido están aínda perfilándose pero o concelleiro Luis Arosa xa adianta que as achegas en metálico serán similares ás da edición anterior: 400 euros para os grupos locais, 300 euros para as que leven catro anos participando nos actos da A Illa e 150 para as novas comparsas.
Luis Arosa recorda ás comparsas a obriga de participar polo menos en dúas das convocatorias lúdicas que se organicen na programación muncipal así como no desfile do domingo de entroido para percibir as mencionadas cantidades económicas.