As seis urxencias para as que o empresariado do Salnés e de Caldas de Reis lle pide axuda á Deputación
AROUSA
Mellora das comunicacións e captación de traballadores e talento, entre as necesidades
06 abr 2024 . Actualizado a las 20:33 h.O presidente da Deputación de Pontevedra, Luis López (PP), trasladoulle o xoves ao empresariado das comarcas do Salnés e de Caldas de Reis agrupados no colectivo Galicia Foro Empresarial as diferentes liñas de apoio que o ente provincial ten en marcha para acompañar e promover o tecido produtivo do seu territorio. No coloquio-xantar organizado en Bodegas Granbazán por Galicia Foro Empresarial, o seu secretario xeneral, Tito Fariña, aproveitou para facer o camiño inverso. Trasladándolle a López a listaxe de cuestións que precisan a implicación de todas e cada unha das ramas da Administración, Deputación incluída, para remontar a situación de desvantaxe na que se atopa a zona respecto a rexións competidoras da UE con vantaxes fiscais e xeográficas, apuntou o cambadés.
A falta de capacidade tributaria da Deputación, os empresarios do Salnés e de Caldas pedíronlle ao presidente provincial que se sume ao carro para mellorar a competitividade de ambos os dous territorios atacando media ducia de problemas, algúns deles xa elevados a endémicos, e que precisan de solucións con urxencia.
O primeiro da lista é a «mejorar las comunicaciones por tierra, mar y aire», de maneira que se poida sacar o máximo proveito a unha bisbarra lonxe de espremer o potencial da dispoñibilidade dun porto de interese estatal.
Nesta liña, a segunda demanda trasladada por Tito Fariña ao presidente da Deputación é «mejorar el estado de la AP-9 y de la A-6 y buscar alternativas a dos vías altamente saturadas». A materialización de vellos proxectos gardados nun caixón coma a construción dunha autovía entre Vilagarcía e Pontevedra ou a circunvalación de Valga-Pontecesures sen dúbida axudarían.
Proxectos estratéxicos
«Exigir la puesta en marcha de los proyectos estratégicos para la recuperación y transformación económica pendientes: agroalimentario, mar, naval, desarrollo de vehículos...», os sectores industriais estratéxicos da zona e os grandes motores de emprego, figura tamén nas demandas de Galicia Foro Empresarial.
En materia laboral, dúas son as prioridades entre os responsables das compañías de referencia do tecido económico do Salnés e de Caldas: «Fomentar y atraer el talento a Pontevedra en especialidades como inteligencia artificial, que sean aplicables a procesos productivos e industriales» e «fomentar el empleo, pero de manera inversa». Punto este último no que Tito Fariña abundou: «La problemática de la mano de obra es actualmente endémica en todos los sectores y en prácticamente todos los empleos, con la paradoja de que las ayudas y subsidios por ceses de actividad en sectores primarios aumentan progresivamente a cargo de la Seguridad Social, y esta a su vez acaba repercutiendo en empresas y trabajadores en activo».
En materia de financiamento, desde Galicia Foro Empresarial pedíuselle ao executivo do ente provincial: «Mantener un contacto continuo con las entidades de crédito, fomentando la solución a los requisitos financieros de las empresas, bien sea mediante acuerdos bilaterales o en colaboración con otras entidades. Y de igual manera, con las compañías de seguros, ya que Pontevedra es una de las provincias con más exigencias y de mayores costes a la hora de asegurar productos e instalaciones».