O cadro meañés recibe en Coirón o Fuentes Carrionas
13 abr 2024 . Actualizado a las 05:00 h.O Inelsa Solar Asmubal Meaño recibe hoxe ás 19 horas (horario unificado) o C.D.B. Fuentes Carrionas na penúltima xornada de Liga da División de Honor Plata Femenina do balonmán español. Duodécimo e antepenúltimo con 14 puntos, o cadro que dirixe Juan Manuel Costas mídese ao décimo clasificado, do que tan só o separan 2 puntos.
O último clasificado ao termo da competición, o vindeiro sábado, descenderá a categoría autonómica. Así as cousas, e debendo cursar visita a Santa Cruz de Tenerife ao sexto clasificado, o Asmubal debe tentar amarrar hoxe un triunfo que lle daría matematicamente a permanencia en caso de que perda o Siero, cos mesmos 14 puntos, ou o pechacancelas, Palencia Turismo (13), non pase do empate.