![](https://img.lavdg.com/sc/52YnFxeVSOrXxATaDquAvhwBIqI=/480x/2024/04/16/00121713291302349305470/Foto/efe_20240316_025528554.jpg)
O director deportivo da Federación Galega de Tenis, Marco Casal, analiza o porqué do último gran salto adiante de Jéssica Bouzas
16 abr 2024 . Actualizado a las 20:29 h.A evolución de Jéssica desde o comezo de ano está sendo espectacular. Comezando por torneos de 50.000-75.000 dólares ata 100.000 e clasificándose para Roland Garros e entre as 100 primeiras do ránking WTA. Creo que Jéssica encontrou co seu novo equipo técnico o equilibrio e a sintonía perfecta, atoparon as teclas que funcionan. Os límites poráos a ambición que ela mesma teña, porque o nivel de xogo teno, sen dúbida.
Nestes niveis top, os temas emocionais, os límites que te poñas, inflúen moito. A Jéssica véselle con moita confianza, moi solta, e unha xogadora que demostra a constancia e o equilibrio que está amosando ela, rendindo en todos os torneos, é moi perigosa para as súas rivais. Nos últimos anos, o tenis feminino estáse a caracterizar por moitos picos, baixadas e subidas no ránking. Este ano Jéssica está demostrando un gran nivel todas as semanas, e iso inflúe tamén na forma de xogar contra ela. Deséxolle moita sorte a Jéssica, que siga dándonos moitas alegrías e que cumpra todos os soños que teña na cabeza.