Alberto Mariano completa a súa convocatoria con dous xuvenís
15 mar 2025 . Actualizado a las 05:00 h.O Vilalonga ten hoxe a misión máis dura de cantas poida encarar neste momento un equipo que non sexa a UD Ourense. O cadro que dirixe Alberto Mariano visita, desde as cinco da tarde no campo do Couto, a un líder da Tercera RFEF que non sabe o que é perder no seu terreo de xogo esta temporada, cedendo tan só tres empates e asinando oito vitorias coma local.
A misión do Vilalonga endurécese por canto debe completar a súa expedición con dous xuvenís, Pablo e Hugo, ante as lesións de Martín, de Álex Barbeito e de Juan Barbeito na defensa, de Jesús Barbeito e de Portas no centro do campo, e de Varo no ataque.