Andaina en favor da Cruz Vermella o 21 de xuño pola desembocadura do río Umia
AROUSA
Unha camiñada de 6 km por Cambados para apoiar causas sociais e promover a saúde
01 jun 2025 . Actualizado a las 13:44 h.A Cruz Vermella do Salnés celebrará o vindeiro 21 de xuño ás 10 horas a II Edición da Andaina Solidaria en Cambados.
O obxectivo é visibilizar o labor humanitario que desenvolve Cruz Vermella na comarca, ofrecendo ao mesmo tempo unha proposta saudable.
A ruta circular de case 6 quilómetros comezará ao carón da ponte peonil xunto á Torre de San Sadurniño e percorrerá espazos emblemáticos como o barrio mariñeiro de San Tomé ou a desembocadura do río Umia.
As inscricións poden facerse na oficina e na web da Cruz Vermella do Salnés, así como na Biblioteca Municipal Luís Rei. O prezo do tique é de 8 euros, sendo gratis para menores de 12 anos.
O recadado destinarase a programas sociais da Cruz Vermella tales como o apoio a persoas maiores, infancia en situación de vulnerabilidade ou a formación para o emprego.