Os padexeiros do Náutico O Muíño de Ribadumia compiten en tres canoas na distancia de 500 metros
19 jun 2025 . Actualizado a las 05:00 h.A selección española absoluta de piragüismo esprint atópase na cidade de Racice (República Checa) para disputar desde hoxe e ata o domingo o Campionato de Europa da disciplina. Nas súas filas, dous padexeiros do Club Náutico O Muíño de Ribadumia, o vilanovés Manuel Fontán e o poiense Adrián Sieiro.
Ambos os dous inician hoxe a súa traxectoria na cita continental. Manuel Fontán, ás tres da tarde na primeira das dúas quendas das series preliminares do C1 500, cos tres primeiros dos sete padexeiros na liña de saída clasificándose para a final do domingo ás nove da mañá, e os restantes debendo superar a semifinal do venres ás tres da tarde. Adrián Sieiro inicia hoxe ás catro da tarde o camiño do C2 500 co madrileño Daniel Grijalba, coa mesma folla de ruta do C1 500. Ademais, Sieiro disputará o sábado o C4 500 mixto.