O dianteiro vilagarcián eleva a catro o número de efectivos confirmados no novo proxecto
21 jun 2025 . Actualizado a las 05:00 h.Continúan os movementos no vestiario do Arousa de cara a confección do equipo que tratará de pelexar o ascenso á Segunda RFEF a vindeira temporada. Onte, o club vilagarcián anunciou a renovación do dianteiro local José Rivera, que se converte deste xeito no cuarto xogador confirmado no novo proxecto, e a saída do club do extremo dereito Javi Pereira. Este último, explican desde as oficinas da Lomba, «por incompatibilidades entre as súas prácticas laborais e os adestramentos» do equipo arlequinado, que se manterán en sesión matutina tras imprantar o pasado verán Míchel Alonso unha práctica máis propia dun equipo profesional que dun Tercera RFEF.