A de Cambados colgouse tres medallas no Campionato de España de Ximnasia de Trampolín
24 jun 2025 . Actualizado a las 05:00 h.A cambadesa Uxía Rodríguez Fernández regresou a pasada fin de semana do pavillón Paco Paz de Ourense cun título e con tres medallas no Campionato de España de Ximnasia de Trampolín. A deportista do C.X. Burgas conquistou o ouro na categoría júnior (15-16 anos) na modalidade de DMT (Dobreminitramp) e colgouse o bronce na de Tumbling.
Rodríguez rematou ademais novena en trampolín, a 0,01 de colarse na final, foi décimo terceira en sincronismo co seu compañeiro do CGTD Pablo Martínez (Club Sieiro) e, tras cumprir os 15 anos, puido disputar co seu club o concurso de DMT por equipos séniores, sumando nesta modalidade a medalla de prata.