O equipo que dirixe Luis Treviño impúxose nun torneo con rivais coma o Porto ou o Benfica
02 jul 2025 . Actualizado a las 05:00 h.O fútbol do Salnés está cheo de talento, do que estas últimas tempadas, sen ir máis lonxe, se nutriron dous equipos como o Céltiga e o Juventud Cambados para regresar á Terceira. Talento como o que reborda a canteira da E.D. Arousa. A pasada fin de semana, o equipo que dirixe Luis Treviño proclamouse campión sub-17 da Douro Cup de Coímbra. Ante escolas coma as do Porto ou do Benfica, foron os mellores, con tres homes gol, Manu Fernández, autor de cinco tantos, Parada e Álex Castiñeiras, con catro.