As de Juan Manuel Costas superaron o Romade cunha gran defensa
03 feb 2026 . Actualizado a las 05:00 h.O Inelsa Solar Asmubal Meaño solventou con nota a súa visita ao Romade nas Palmas. Coas doce xogadoras xustas para poder xogar o partido, o conxunto que dirixe Juan Costas non tardou en darlle a volta ao anecdótico 2-1 de saída do seu rival para sinalar en tan só quince minutos o camiño que seguiría o encontro cun 2-7, transformado en 10-17 ao descanso.
Cos deberes ben feitos, o Asmubal deu coa tecla para cortar a conexión do Romade sobre a súa xogadora franquicia, a veterana pivote e curtida en categorías superiores Haridian Rodríguez. A partir de aí, e cunha excelsa defensa que lle permitiu engordar o seu marcador con numerosos contragolpes, o cadro meañés reduciu esforzos nunha segunda parte innecesaria con 23-28 final e o Asmubal de volta á sexta praza.
FICHA DO PARTIDO:
ROMADE (23): Bahamonde (1), Betancor (1), Santana (1), Jezabel (2), Acosta, Haridian Rodríguez (6), Sánchez, Falcón (1), Aparicio (2), Valeria, Siñol (2), Machín (4), Omahira Martín (1), Ariadne, Padrón (2) e Lorenzo.
INELSA SOLAR ASMUBAL MEAÑO (28): Irene Ríos, Raquel Sineiro (1), Sofía Arangio (2), Sabela Miniño (7), María Currás (4), Agustina Ballada (4), Claudia Vera (5), Alba Domínguez (2), Irene Romero, Luan Otero, Vanesa Domínguez (3) e Shaila.
MARCADOR CADA CINCO MINUTOS: 2-1, 2-4, 2-7, 5-10, 8-14, 10-17 (descanso), 11-19, 13-20, 16-24, 18-26, 20-27 e 23-28 (resultado final).
ÁRBITROS E EXCLUSIÓNS: José Herrera e Alejandro Calderón. Castigaron con dous minutos as xogadoras locais Jezabel (min 35.42), Acosta (57.03), Machín (19.20 e 25.37) e descualificaron a súa compañeira Omahira Martín por tres exclusións (38.58, 44.43 e 44.43); e dous minutos para as visitantes Sabela Miniño (min 49.42) e Luna Otero (31.02).