Un investimento de 435.000 euros permitirá renovar a rúa Carlos Maside de Cesures
LA VOZ / PONTECESURES
PONTECESURES
A intervención servirá para a reurbanización do comezo da rúa nos ámbitos máis próximos á rúa San Lois e ao paso do ferrocarril e da súa contorna
28 may 2025 . Actualizado a las 09:18 h.O presidente da Deputación de Pontevedra, Luis López, asinou onte o convenio de colaboración coa alcaldesa de Pontecesures, María Teresa Tocino, para financiar o cen por cen da reforma da rúa Carlos Maside. A intervención servirá para a reurbanización do comezo da rúa Carlos Maside nos ámbitos máis próximos á rúa San Lois e ao paso do ferrocarril e da súa contorna. A actuación conta cun orzamento de 435.000 euros incluídos no Plan Extra da institución provincial.
López sinalou a importancia da colaboración da Deputación para executar proxectos estratéxicos e transformadores que melloran a imaxe e os servizos da vila, así como a calidade de vida da veciñanza.