Será o 3 de mazo con saída desde a casa de cultura e remate na Carballeira de Barrantes
11 feb 2025 . Actualizado a las 16:28 h.No entroido de Ribadumia o día grande será o 3 de marzo co gallo do da segunda edición do Concurso e desfile de disfraces e carrozas infantís. Dará comezo ás 16.30 horas na casa de cultura de Ribadumia e percorrerá as rúas do municipio ata chegar á Carballeira de Barrantes, onde se celebrará a entrega de premios e un espectáculo de animación infantil a cargo de Javi Solla.
As persoas interesadas en participar poden formalizar a súa inscrición a través da sede electrónica do Concello ou de maneira presencial nas oficinas municipais de luns a venres en horario de 8 a 15 horas..
As inscricións permanecerán abertas ata o mesmo día do desfile ás tres da tarde agás no caso das comparsas e carrozas, que deberán anotarse antes do 24 de febreiro. O Concello repartirá 2.250 en premios repartidos en distintas categorías: individual, parella e grupo infantil, grupos de máis de tres persoas e de máis de carrozas de máis 20 persoas. Nas categorías de grupos e carrozas, polo menos o 50% dos integrantes deberán ser menores de 16 anos.
O xurado do concurso terá en conta criterios como a animación, espectacularidade, orixinalidade, espontaneidade, conxunción e animación musical.