A rusa Alena Truleva expón en Valga as súas pinturas inspiradas na veciña Pontecesures
VALGA
![](https://img.lavdg.com/sc/1WiuHqhtWX-_M7ZCYM2IKNeyfMo=/480x/2024/05/08/00121715175068567166551/Foto/99.jpg)
A mostra pode visitarse durante todo o mes no auditorio municipal
08 may 2024 . Actualizado a las 15:32 h.Galicia é o que vexo, de Alena Truleva, é a exposición que se pode visitar durante este mes no auditorio de Valga. De nacionalidade rusa e aos seus 33 anos de idade, esta arquitecta de profesión trasladouse a Galicia fai aproximadamente dous anos coa súa parella, Anxo Rodríguez, veciño de Campaña (Valga). Establecéronse en Pontecesures, vila que protagoniza algunhas das obras que forman parte de mostra pictórica que agora pode verse no auditorio.
«Para min Galicia é unha terra exótica, misteriosa e bonita. É diferente ao resto de España e tamén de Rusia. Hai moitos edificios antigos e moitas cores, cousa que non ten o meu país, onde é máis complicado pintar porque, por exemplo, en inverno hai moi poucas horas de luz», sinala a artista.
Alena Truleva empezou a pintar moi pequena, foi a clases e estudou durante varios anos materias relacionadas coas artes gráficas. A de Valga é a súa segunda exposición en Galicia.