Araceli Bugallo remata segunda no Campionato Galego Máster de Espada
VILAGARCÍA DE AROUSA
A tiradora cambadesa asinou o mesmo posto do podio na terceira proba do ránking absoluto galego
21 mar 2024 . Actualizado a las 05:00 h.A tiradora cambadesa do COMES de Santiago de Compostela Araceli Bugallo subiuse a pasada fin de semana a cadanseu podios do terceiro torneo do ránking absoluto galego e do Campionato Galego Master na disciplina de espada; ambas as dúas probas, disputadas na Casa del Agua da Coruña.
O sábado, na cita do ránking, a arousá gañou todos os seus duelos da poule, quedando exenta da primeira rolda das eliminatorias. Nos cuartos de final superou 15-7 a Beatriz García, do 100TOLOS da Coruña, e nas semifinais 15-11 a Carla Fernández, do CELU de Lugo, para caer derrotada no combate polo primeiro posto por Nahir López, do 100TOLOS, por 15-12. Participaron polo AVE de Vilagarcía Manuel Antón, que perdeu no cadro de 16, e Clara Uxía, que finalizou 17.ª.
O domingo, Araceli Bugallo gañou cinco dos seus seis duelos na poule, pasando coma segunda de grupo e chegando á final do Campionato Galego Máster fronte a Rosa Cano, do CECVigo, caendo por un axustadísimo 10-9. Elena Fernández, do AVE, rematou no posto sétimo.